L'Afuega'l Pitu reclama más promoción

Les cuatro pieces ganadores recalden 3.000 euros

Aconceyaos per primer vegada nel certame de La Foz, los siete productores que conformen la denominación d'orixe de quesu Afuega’l Pitu piden más sofitu pa dalo a conocer.

Les queseríes moscones trunfaron nel concursu. Llevaron tres de los premios: al meyor Atroncáu Roxu, pa la quesería Temia; el meyor Trapu Roxu, pa Ca Sancho; y el de Trapu Blancu, de La Borbolla.

Hasta Tinéu foi a parar la reconocencia al meyor Atroncáu Blancu, que llevó la quesería Tierra de Tinéu.

Los cuatro ganadores salieron per primer vegada a puya en beneficiu de los afectaos pola dana de Valencia. Un únicu lote pol que la sidrería xixonesa La Montera Picona pagó 3.000 euros.

El próximu añu van volver pa siguir dando a conocer esta mena de quesu.