Radiotelevisión del Principáu d'Asturies Radiotelevisión del Principado de Asturias
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 5 de setiembre. 2021 18:36

'Nabucco' abre la temporada d'Ópera d'Uviéu

'Nabucco' en el Campoamor
'Nabucco' abre la temporada d'Ópera d'Uviéu

Estrenu del nuevu coru titular, l'Intermezzo

Ópera d’Uviéu estrena esti llunes la temporada con 'Nabucco', l’aclamada ópera de Guiseppe Verdi. En 2015 foi la última representación de la traxedia llírica del rei de Babilonia nes tables del Campoamor.

'Nabucco' vuelve a Uviéu con orquesta y coru amenorgaos pero con tola ilusión, sobre manera, la del que da vida al protagonista, el barítonu catalán Ángel Ódena.

La ópera de Verdi estrenóse en marzu de 1842 nel teatru de La Scala de Milán con un escenariu fechu pa otru llibretu. Esta vez ye Emilio Sagi l’encargáu de la dirección d’escena.

'Nabucco' supón, amás, l’estrenu del nuevu coru titular, el coru Intermezzo, qu’interpretará’l famosu coru de los esclavos xudíos, el 'Va, pensiero'.

La temporada d’Uviéu apuesta polos cantantes nacionales, que suponen el 85% del total, con presencia de voces asturianes en tolos títulos. Daqué que los profesionales agradecen dempués d’un añu mui malu.

Esti llunes, a les 19:30, entama la primera de les seis funciones qu’inxerta’l 'Vienres d’ópera', un pase con entraes a precios asequibles y un segundu repartu pensáu pal públicu mozu.

banner publicidad

© 2024 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL