'Siempre de paso', nuevu llibru de Miguel Barrero

L'asturianu tendrá novela nueva l'añu qu'entra

'Siempre de paso' ye’l nuevu llibro del asturianu Miguel Barrero. Una selección de los sos artículos na revista cultural 'Zenda', que dexó d’asoleyar na pandemia. Barrero, director de la Fundación Municipal de Cultura de Xixón, reconoz qu’esti trabayu quíta-y tiempu pero nunca les ganes d’escribir. De fechu, tendrá novela nueva l’añu qu’entra.

Barrero amuesa’l so nuevu trabayu que naz del confinamientu, un momentu nel que revisa les sos collaboraciones cola revista 'Zenda'.

'Siempre de paso', un chisgu al cantautor Luis Eduardo Aute, axunta los artículos con un nexu común: la contornada que nos arrodia condiciona la nuestra percepción del mundu.

El llibru ye, tamién, un feliz alcuentru con munchos escritores, almiraos y siguíos pol autor. Una oportunidá de descubrir, por exemplu, a maestros cuasi escaecíos como Álvaro Cunqueiro.

Agora prepara la so nueva novela, qu’espera asoleyar l’añu qu’entra.