'Como auga de torbón' amuesa la represión franquista nel occidente asturianu

Xosé Miguel Suárez fala nel so llibru de más de 400 víctimes

La desapaición del güelu na Guerra Civil llevó va siete años a Xosé Miguel Suárez a entamar a investigar sobre estos crímenes nel noroccidente asturianu. Toa esa información apaez afitada en 'Como auga de torbón', un llibru escritu en gallego-asturianu y que va yá pola segunda edición.

Entamó a entrevistase con familiares pa conocer eses histories que s’escaecen col tiempu, que munches vegaes quedaben na intimidá y nun se cuntaben.

Intentó con esti trabayu entender por qué s’elexíen a eses víctimes, que davezu yeren d’izquierdes, afiliaos a sindicatos americanos, de mente abierta y residentes na zona.

Un llibru que fala de más de 400 víctimes de vecinos de la zona y otros de fuera que morrieron na contornada.