'Cuarenta estaciones' y 'Fin de trayecto', de José Luis Pastrana

L'autor narra'l desendolcu profesional d'un mozu inxenieru basándose en fechos reales

¿Cuántes obres lliteraries lleven a un inxenieru como protagonista? Precisamente por esta falta y la vocación de José Luis Pastrana surdieron 'Cuarenta estaciones' y 'Fin de trayecto'. El puntu de partida, 1988, cuando un inxenieru recién tituláu entama la so andadura profesional.

Peripecies per fábriques de cerámica, vidriu y metal asitiaes en Xixón, Valencia, El Ferrol o Méxicu. L’autor amiesta lo humano y lo técnico. Eso sí, con un llinguaxe adaptáu a cualquier llector.

El final del trayectu ye 2003, col entamu d’una crisis de los 40 personal y llaboral y l’anunciu d’una tercer obra. Quiciabes yá non d’inxeniería. Pero hasta entós, esta biloxía abre la puerta al subxéneru lliterariu industrial.