'La cestería en Grau', una amuesa sobro 'los goixeiros' y la cestería

La esposición pue visitase hasta'l 28 de febreru

El pasáu miércoles inauguróse en Grau la esposición 'La cestería en Grau'. La esposición estrémase en dos espacios, unu dedicáu a la tradición de 'los goixeiros' nel conceyu y un segundu espaciu dedicáu a la cestería.

Fai más d'una década que 'los goixeiros' desapaecieron nel conceyu pero agora, una esposición recupera'l so trabayu y el so bon faer. Na amuesa podemos ver les principales pieces que fabricaben estos artesanos, les sos ferramientes o'l so bancu de trabayu.

Tamién podemos conocer a los postreros artesanos de la blima que queden na rexón. Un oficiu qu'entá perdura nes manes de José González, un cesteru de Cueru, de Candamu.

La esposición 'La cestería en Grau', promovida pol muséu etnográficu de la villa moscona, pue visitase na casa de cultura hasta'l 28 de febreru.