'La isla de las musas', la última novela de Verónica García-Peña

El llibru foi unu de los preseleccionaos pol Premiu Planeta

'La isla de las musas' ye l'últimu llibru de Verónica García-Peña. La novela d'esta periodista y socióloga vasca residente n'Asturies llegó a entrar ente los preseleccionaos pol Premiu Planeta.

Un escritor torna a les Isles Cíes ensin inspiración. Ellí atopa a una muyer misteriosa qu'espierta nél l'alcordanza d'una hestoria que lleva soterrada más d'una década. Una trama d'intriga, misteriu y terror con ecos clásicos.

Hasta llegar a les llibreríes 'La isla de las musas' siguió un periplu singular.

Yá tenía esperiencia na autopublicación coles sos tres noveles anteriores, una d'elles, 'El ladrón de sueños', tamién entró ente los 10 finalistes del Planeta. Con 'La isla de las musas' per primer vegada sigue'l circuitu tradicional.

La próxima selmana va caltener un alcuentru virtual cola Asociación d'Escritores Noveles.