'Navia Medieval' conmemora la Carta Puebla

Sesenta puestos ambienten el cascu históricu de la villa

Corría l’añu 1270, cuando’l rei Alfonso X daba a Navia la Carta Puebla que-y permitía celebrar dos mercaos selmanales.

Una concesión que supunxo un enantes y dempués na historia de la villa que lo celebra esti fin de selmana, regresando al sieglu XIII con esti 'Navia Medieval'.

Un mercáu que va pela Cai Real y la d’As Armas, principales arteries de la villa na domina.

Sesenta puestos, cifra récor nes siete ediciones de la cita, ambienten el cascu históricu, onde nun falten nin xuglares, nin músicos nin naviegos vistíos de la dómina.

Xuegos, concursos, inclusive una boda medieval esti domingu, dan forma a un programa que se completa con una esposición de semeyes medievales de Navia, obra de Jesús Martínez.