'Onde'l caos se texe y se destexe', la nueva novela de Xulio Viejo

Percuerre la hestoria al traviés de la biografía de so padre, un quirosanu centenariu

Pocu tiempu dempués del fallecimientu de so padre, Xulio Viejo decidió retomar la narrativa. Quería caltener la memoria d'un quirosanu centenariu. En 'Onde'l caos se texe y se destexe' recueye un treme d'alcordances que lleguen hasta la invasión napoleónica o les guerres carlistes. La Hestoria social en danza cola hestoria individual.

Nesi oxetivu d'entender meyor la so realidá, Xulio Viejo compaxinó la so trayectoria lliteraria cola investigación y la docencia de llingua y lliteratura asturiana na Universidá d'Uviéu. Cree que la oficialidá del asturianu supondría una reconocencia.

Mientres, sigue contribuyendo a la so conocencia. Va un mes asoleyó, tamién cola editorial Trabe, una introducción a la fonoloxía asturiana.