'Rastros de Ceniza' zarra la triloxía minera d'Aitana Castaño

La historia trescurre al rodiu de l'alcaldesa d'un pueblu qu'apaez aforcada​

El 28 de payares viniente llega a les llibreríes 'Rastros de Ceniza', de la escritora y periodista Aitana Castaño. Un thriller asitiáu nel pueblu de Lanca nel que los sos habitantes vivirán la estraña muerte de la so alcaldesa chiscada por una trama de corrupción.

La novela narra cómo la periodista de la radio local Aurora Montes va a una entrevista cola alcaldesa. Sicasí, la rexidora apaez aforcada nes escaleres del edificiu consistorial. La so muerte avivará los rumores de corrupción personificada nun sindicalista mafiosu, El Pantera, y nun pueblu testigu d’ella.

Al empar, esta novela coral retrocede a los años 60 y 70 p’amosar les tortures nes cárceles franquistes. Un valle que, dende la capiya de la Virxe de Rama, ufierta la vista d’una sociedá industrial en declive, onde los pozos yá tán zarraos.

En definitiva, Aitana Castaño convida a comprobar qu’onde hubo carbón, siempres queden rastros de povisa

Con ilustraciones d’Alfonso Zapico, la novela completa la triloxía minera xunto a 'Los niños de humo' y 'Carboneras'.​