'Una casa', un llibru nel que Xurde Álvarez comparte los rescates de so güelu na mina

La obra amuesa les condiciones de trabayu de la Brigada de Salvamentu Mineru

Dignificar y amosar les condiciones y la traxedia de la Brigada de Salvamentu Mineru ye lo que documenta l’escritor llangreanu Xurde Álvarez nel llibru 'Una casa'. Escritu n’asturianu y castellanu, comparte los rescates de so güelu como brigadista y va más allá de lo que se recueye n’informes oficiales.

Alfredo Fernández Roces, picaba carbón y rescataba compañeros. Miembru de la Brigada de Salvamentu mineru ente 1944 y 1960, les sos vivencies asoléyense gracies al so nietu, que busca documentar y dignificar.

De 1944 a 1959 hai contabilizaos 1.541 mineros muertos n’accidentes y episodios tráxicos, como l’españíu de grisú de María Luisa en xunetu de 1949.

Una historia del pasáu escrita por Xurde Álvarez, pa facela eterna nel futuru.