Accem atendió a más de 2.000 persones n'Asturies en 2022

Una de cada cuatro persones atendíes llegó fuxendo d'Ucraína

L’añu 2022 tuvo marcáu pola guerra d’Ucraína, y l’acoyida en diferentes países de la Xunión Europea de los millones de refuxaos que llegaron fuxendo del conflictu. El númberu de persones a les qu’ayudaron les ONG medró asina bultablemente.

N’Asturies, Accem atendió a 2.059. Fueron cuasi 600 persones más qu’en 2021. La principal nacionalidá foi la ucraína, con cuasi 500 persones. Una de cada cuatro persones atendíes pola organización nel Principáu, llegó fuxendo tres la invasión rusa.

Dempués de la ucraína, la nacionalidá venezolana foi la que más ayuda recibió d’Accem n’Asturies, tamién con más de 400 persones. Dempués la colombiana, marroquina, senegalesa, española y rusa.

Los datos fueron asemeyaos a los del total del país. En 2022, la ONG, atendió n’España a 75 mil persones, prácticamente’l doble que l’añu anterior. Esto supón una medría del 101%, motivada sobre manera porla guerra d’Ucraína.

La ucraína foi con diferencia, con cuasi 30.000 persones atendíes. La nacionalidá más abondosa, superando en más del triple a la siguiente, la marroquina, con 8.000 persones.