Leticia Sánchez Ruiz y Jorge Salvador Galindo roblen 'La carretera del infierno'

La obra ye'l primer títulu d'una saga protagonizada por dos detectives escéntricos

L'autora Leticia Sánchez Ruiz y l'editor Jorge Salvador Galindo roblen 'La carretera del infierno', el primer títulu d'una saga protagonizada por dos detectives escéntricos.

El calabre esquisitu ye un xuegu de les vanguardies de principios del sieglu XX. Daquién recibe'l final d'un testu y tien que siguilu. Nel casu de Leticia Sánchez Ruiz y Jorge Salvador Galindo, fueron más allá del exerciciu.

El surrealismu domina les aventures de Djuna y Soriano, dos detectives venceyaos, como los sos autores, a la ruleta rusa que ye la lliteratura.

'La carretera del infierno' yá ta en llibreríes. Preséntase'l 2 de xunu n'Uviéu y en Navidá va llegar la segunda entrega, 'El trampolín de la muerte'.