Abre les sos puertes la primer llibrería solidaria d'Asturies

La ONG AIDA pon a la venta llibros donaos pa financiar los proyectos de cooperación

La ONG AIDA acaba d'abrir les puertes de la primer llibrería solidaria d'Asturies. Ta asitiada n'Uviéu, n'El Fontán​.

Son llibros donaos que cuesten ente 1 y 5 euros. Les sos ventes destínense a financiar los proyectos que la ONG AIDA tien en marcha en 15 países.

La ONG AIDA cunta con 14 locales n'otros puntos d'España nos que toos, encargaos o dependientes como Carmen Riestra, son voluntarios.

La maxa de tolos xéneros ye lo que tienen les estanteríes d'esti establecimientu, que dalgunos acaben de descubrir.

Llibros que se mueven nuna economía circular, qu'amiesta la cultura cola solidariá. Un llugar onde, según diz el so lema, "los llibros salven vides".