Axedrez so tierra nel Pozu Sotón

Los sos protagonistes fueron seis grandes maestros d’esta disciplina a nivel mundial

Per primera vegada nel mundu, les galeríes d’una mina acueyen un tornéu d’axedrez. Falamos del tornéu so tierra Pozo Sotón que se celebró esta mañana a 557 metros de fondura.

Los sos protagonistes fueron seis grandes maestros d’esta disciplina a nivel mundial de Rumanía, Arxentina, Cuba y Xixón pal festival qu’entama’l Real Grupo de Cultura Covadonga.

En total cinco partíes dientro de la propia sala de bombes regulaes por un árbitru internacional de Portugal.

P’algamar el récor guiness necesitaben 100 xugadores más, pero’l fechu en sí a nivel mundial ye consideráu únicu.

La concentración evidentemente nun ye la mesma pero sí’l calter amistosu de la disciplina. El campeón total d’esti tornéu foi’l cubanu Yasser Quesada.

La so victoria puntúa pal ranking internacional y pal so podium personal, eso sí, toos lleven un troféu que, como non, ye un vasu sidra col grabáu identificativu, 'Tornéu axedrez so tierra'.