Carlos López-Otín axunta tres de les sos obres nel estuche 'Trilogía de la vida'

López-Otín ye catedráticu de Bioquímica y Bioloxía Molecular de la Universidá d'Uviéu

Carlos López-Otín asoleya güei 'Trilogía de la vida', un estuche nel que s’inxerten tres obres del catedráticu de Bioquímica y Bioloxía Molecular de la Universidá d’Uviéu.

En 'La vida en cuatro letras', López-Otín descubre los secretos del orixe de la vida, el xenoma humanu y la llucha incansable de la humanidá pa vencer la enfermedá y algamar la felicidá na Tierra.

El segundu llibru, 'El sueño del tiempo', del que ye coautor con Guido Kroemer, dedícalu a ún de los grandes temes científicos del nuestru tiempu: l’avieyamientu y la llonxevidá.

A la fin, en 'Egoístas, inmortales y viajeras', López-Otín desvela los últimos avances sobre’l cáncer.