Cocina molecular pa que pacientes con disfaxa recuperen el gustu pola comida

Los logopedes avérense a nueves testures

L'Hospital Universitariu Central d'Asturies presentó esta selmana la primer unidá de disfaxa de la sanidá pública asturiana formada por un grupu interdisciplinar de 25 profesionales qu'abordará los trestornos al rodiu de la deglución, una alteración que pue afectar a hasta cuatro de cada diez persones d'edá avanzada.

Un grupu de logopedes esperimenta cola cocina molecular pa que los pacientes con disfaxa recuperen el gustu pola comida. Tán probando un xel de callos, de fabes y otru de donuts. Son alimentos que, na so presentación normal, una persona con dificultaes pa tragar, nun podría comer.

Nun taller, los logopedes avérense a nueves testures, mui frecuentes na alta gastronomía, que podríen ayudar a los sos pacientes con disfaxa a recuperar el placer de sentase a la mesa.

La disfaxa ye un síntoma que tienen munches persones con enfermedaes neurodexeneratives o con ictus, como-y pasó a Ángel y como-y pasa a otres persones cada día, incluyíos neños.

La creatividá na cocina tamién dexa orientar a les families nun procesu d'adaptación enllén de duldes y mieos pa qu'a la hora de comer, la disfaxa nun-yos quite'l gustu.