Creando Sinerxes 2022 xune a estudiantes de clarinete de les escueles d'Asturies

El proyectu acaba con un conciertu con un programa diseñáu con intención​​

El proyectu Creando Sinerxes 2022 xune a estudiantes de clarinete de les escueles d’Asturies. Participen 110 clarinetistes, de tolos niveles y 24 profesores de cinco centros distintos.

Nuna entrevista en TPA Noticies Matinal, Alberto Veintimilla Bonet, director artísticu del Proyectu Creando Sinerxes 2022, asegura que l’alumnáu más mozo ve lo que ye capaz de facer lo mayor y esti comprueba lo que podría ser una salida profesional

El proyectu acaba con un conciertu que se celebrará’l sábadu nel Auditoriu d’Uviéu, con un programa diseñáu con intención. El conciertu cola temática Evocación solliña la capacidá de la música pa recuperar na mente del ser humanu pensamientos, recuerdos, escenes, vivencies, sentimientos, atmósferes, emociones, golores y sensaciones múltiples.

Abrirá’l conciertu una obra de Bach n’homenaxe a les víctimes del COVID-19 y pesllaráse col 'Imagine' de John Lennon como un mensaxe de paz.

Como si se tratare d’un himnu, escoyóse esta obra p’acabar el conciertu cola intención d’evocar los meyores sentimientos y acciones de los seres humanos nos tiempos convulsos actuales.