Muerre l'actor José Antonio Lobato, fundador del grupu de teatru Margen

Lobato desenvolvió principalmente la so carrera nos teatros d'Asturies y del restu d'España

L'actor asturianu José Antonio Lobato, fundador de la compañía teatral Margen, finó esta madrugada n'Uviéu a los 64 años tres una llarga enfermedá, según confirmaron fontes del grupu teatral con más de cuarenta años d'hestoria.

Lobato desenvolvió principalmente la so carrera nos teatros d'Asturies y del restu d'España, anque tamién participó en delles series de televisión como 'El Ministerio del Tiempo', na qu'encarnó'l papel d'Armando Leiva, un personaxe del sieglu XIX.

L'actor uvieín, como unu de los responsables del grupu Margen, recoyó en 2018 la Medaya de Plata de la ciudá d'Uviéu y en 2019 el llabor de la compañía teatral foi reconocíu col Premiu OH! d'Honor que da l'Asociación de Compañíes Profesionales de Teatru y Danza d'Asturies (Acpta) y Foroescena.

Los restos mortales del actor asturianu van ser quemaos mañana nel Tanatoriu El Salvador d'Uviéu.