La reina Letizia va asistir el próximu 25 de xunetu n'Uviéu a la llección maxistral que'l director d'orquesta y fundador del conxuntu Forma Antiqva Aarón Zapico va pronunciar nos Cursos de Branu 2019 de la Escuela internacional de Música de la Fundación Princesa d'Asturies.
Ésta va ser la séptima vegada que doña Letizia va, na so ciudá natal, a la clase maxistral qu'en cada edición d'estos cursos dan músicos o profesionales d'esi ámbitu, como Ainhoa Arteta, Luz Casal, Víctor Manuel o Emilio Sagi, el postrer en compartir la so esperiencia colos alumnos d'esta escuela.
Los cursos, qu'entamaron ayeri, xueves, van allargase hasta'l día 27 pa 135 alumnos procedentes d'Estaos Xuníos, México, Mozambique, Venezuela y España.
Per primer vegada, esti alcuentru va facese nel Muséu Arqueolóxicu d'Asturies -n'otres ediciones llevóse alantre nel Auditoriu o nel Conservatoriu de Música- y va tar acutáu a los alumnos matriculaos y los sos profesores.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL