Les muyeres de la mina, protagonistes nel calendariu del Montepíu

L’anuariu esparde la herencia de les muyeres que trabayaron dientro y fuera los pozos

Como cada añu, el Montepíu edita 4.000 calendarios pal nuevu añu. 'El Carbón, en femenín plural' o 15 semeyes que reconocen el llabor que desempeñaron les muyeres mineres na historia de la minería.

Pal 2019, el Montepío apostó por un calendariu qu’esparda la herencia de les muyeres que trabayaron dientro y fuera los pozos.

Una realidá poco visibilizada na memoria del sector, pero igual d’importante que la fecha polos homes.

Trabayadores d’economatos, vagoneres o carboneres, son dalgunos de los trabayos que desempeñaron les muyeres na minería. Una profesión que tuvo mal vista pola sociedá, calificada como masculina y que sufrió diferencies salariales importantes en delles dómines.

Güei, yá son más de 4.000 muyeres les titulares de los 10.100 carnets de families mutualistes.

Pa compilar 150 años d’historia, el Montepíu cuntó cola ayuda del Archivu Históricu Mineru y del Muséu del Pueblu d’Asturies de Xixón, entidaes coles que trabaya pa esparder la historia y la cultura de la minería.

Con este calendariu dase un pasu más pa la igualdá de la muyer. La so historia tamién s’escribe con negru carbón.