L’asociación corverana 'La Caracola' trabaya nun proyectu tituláu 'Tiraña en la memoria: 80 años construyendo la vida y danzando el dolor'. Una obra de danza que sintetiza l’estudiu que 30 alumnes ficieron sobre la fuexa común de Tiraña, en Llaviana.
Con esti trabayu quieren romper el silenciu qu’envuelve la Guerra Civil y la represión n’Asturies. Va dos años baillaron na fuexa común de Tiraña. Dende esi día entamó la so esmolición por conocer la historia del llugar, de los 13 fusilaos y de les sos families.
La música, el movimientu de los sos cuerpos y la so espresividá tresmite’l dolor y la rabia de los descendientes de los fusilaos y represaliaos.
Pa pagar parte los gastos llanzaron una campaña de 'crowdfunding' al traviés de la plataforma 'Verkami' cola fin d’axuntar unos 3.500 euros.
© 2024 Radiotelevisión del Principado de Asturias | Todos los derechos reservados
Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL