Una ventena d'Erasmus vive les Navidaes en familia

Un intercambiu cultural col que tamién s'arriquecen los mayores y pequeños de la familia

'Acueye un Erasmus per Navidá' yera la iniciativa que ponía en marcha Erasmus Student Network estes Navidaes n'España y que llegaba a Asturies.

L'oxetivu ye que los estudiantes Erasmus que nun vuelven a los sos llares conozan y vivan la Navidá nel nuesu país.

Julud y Gada son dos estudiantes del programa Erasmus que lleven dende agostu n'Asturies. Anguaño, pasen les Navidaes llueñe de Túnez, la so casa, pero nun significa que tean soles porque estos díes comparten la Navidá cola familia de Pachu n'Uviéu.

Y como elles, otros 15 estudiantes esfruten de la esperiencia estes Navidaes con families asturianes voluntaries.

Un intercambiu cultural col que tamién s'arriquecen los mayores y pequeños de la familia.