A ritmu de Gazir

El 'freestyler' Gazir va promocionar la Universidá d'Uviéu en TikTok

La Universidá d'Uviéu estrénase güei en TikTok con una innovadora campaña d'allugamientu protagonizada pol 'freestyler' Gazir coles mires de captar alumnáu de fuera d'Asturies, sobre manera nos países hispanofalantes, a los que quier faer llegar les fortaleces como una institución académica con más de cuatrocientos años d'hestoria y una amplia ufierta formativa, allugada nuna redolada segura.

El rector de la Universidá d'Uviéu, Ignacio Villaverde, xunto al vicerrector Daniel Santos, presentaron al campeón mundial en 2021 y d'España en 2022 de les Freestyler Master Series (FMS), Gabriel Sánchez Poyal 'Gazir', quien amás ye alumnu del grau de Física d'entidá asturiana, como l'escoyíu pa encamentar a los potenciales estudiantes qu'escueyan esta universidá pa cursar formación cimera.

Factores como la ufierta formativa, los puntos fuertes d'Asturies como destín, el prestixu investigador de les institución, les facilidaes d'agospiamientu o les beques son dalgunes de les cuestiones nes que Gazir afita nun total de seis vídeos que grabó ensin guión.