Alcontrada una olla votiva nel xacimientu romanu Lucus Asturum

Acaben d'empezar los sondeos mecánicos xeolóxicos pal estudiu del pozu de la domus

L'equipu arqueolóxicu que trabaya estos díes nel xacimientu romanu Lucus Asturum yá atopó los primeros afayos.

Nun lleven nin una selmana escavando, pero yá atoparon el primer oxetu de valor. Ye una olla votiva, asitiada na nueva estancia de la casa qu'escavaren na parte meridional. Esti afayu ralentizó la intervención.

Esperanza Martín, arqueóloga, esplica que ye solo'l primer descubrimientu d'esta campaña. L'añu pasáu llegaron a atopar distintos ardiluxos, instrumentos y inclusive monedes.

Por ello, hai tamién un equipu internacional especialista en numismática, esplica Simón Cahanier, de la Universidá de Nantes

Tamién acaben d'empezar los sondeos mecánicos xeolóxicos pal estudiu del pozu de la domus. Llueu van baxar pa escavar l'interior.