Audiollibros creaos por estudiantes, como serviciu a la comunidá

Los rellatos lleguen a les biblioteques, residencies y hospitales asturianos

Entamó siendo una actividá d’aula cola que trabayar les nueves tecnoloxíes y la comprensión llectora, y acabó convirtiéndose nun serviciu a la comunidá.

Falamos de los audiollibros, creaos pol alumnáu del colexu xixonés Severo Ochoa. Colos sos rellatos, vivieron les actividaes a la biblioteca de la Residencia Mista de Xixón. Tamién los ficieron llegar a les aules pediátriques del hospital de Cabueñes.

Toca actividá na Residencia Mista. Esta vegada son audiollibros que cunten histories. Güei fueron dos, del centenar de rellatos que los alumnos del Severo Ochoa escribieron, y qu’anguaño son protagonistes de la primer actividad grupal na biblioteca de la residencia de mayores más grande d’Asturies dende l’entamu de la pandemia.

Los rellatos, a los que se pue acceder mediante un códigu QR, entamaron a espardise. De mano, la biblioteca de Xixón Pumarín-Sur; dempués, la Residencia Miesta; y finalmente, l’hospital de Cabueñes.

Nel Severo Ochoa yá piensen en compartir estes histories con otros centros d’España y del mundu.