Bárbara Humbly, una lleenda viva de la ciencia ficción, nel Celsius

Los fans de Christopher Paolini faen cola pa llograr un autógrafu

La escritora de los Estaos Xuníos Bárbara Humbly ta considerada como una de les lleendes vives de la lliteratura de ciencia ficción. Ye la so primer vegada nel Celsius onde desque llegó nun dexó de roblar autógrafos nin dar entrevistes.

Millones de siguidores tien tamién l'otru protagonista de la xornada nel Celsius, Christopher Paolini. Creador de la saga de dragones que vendió más de 140 millones de llibros, cuando solo tenía 20 años. Los sos fans fixeron cola pa escuchalu.

Y pa llograr un autógrafu, Paolini tuvo roblando exemplares de les sos noveles ensin parar y de fechu la cola de los fans dio la vuelta llegando a la cai Galiana. Los llectores esperaron más d'una hora al sol pa llograr la firma del autor americanu.