Blanca Fernández Quintana, ganadora del premiu Xosefa Canellada de lliteratura infantil y xuvenil

'El cartafueyu d'Alquimia' ye una novela p'adolescentes, ambientada en Salas

A los 28 años, Blanca Fernández Quintana ta a piques d’asoleyar la so tercera novela y yá cunta con dellos premios. L’últimu, el María Xosefa Canellada de lliteratura infantil y xuvenil n’asturianu.

La obra ganadora, 'El cartafueyu d’Alquimia', ye una novela p’adolescentes, ambientada en Salas y al rodiu del Camín Primitivu.

Siéntese afortunada poles oportunidaes que tuvo dende los sos entamos y considera que premios como esti son fundamentales pa los escritores mozos, pero echa en falta mayor implicación pa fomentar la llectura n’asturianu nos centros educativos.

El mes viniente asoleyaráse la so última obra, ‘No que cinca los seres de lleenda’ col que tamién ganó’l premiu Enriqueta Rubín, y trabaya anguaño nuna novela de terror.