Blanca Fernández gana'l premiu Radagast de novela fantástica con 'Trovadoresca'

La yerbata conviértese na escritora más moza de les lletres asturianes

La yerbata Blanca Fernández acaba de ganar el premiu Radagast, de novela fantástica, ciencia ficción y terror, convirtiéndose asina na escritora más moza de les lletres asturianes. Esti premiu busca fomentar la lliteratura xuvenil n’asturianu, mui escasa al predominar na llingua los xéneros infantiles y la poesía.

'Trovadoresca' ye una novela de fantasía urbana dirixida al públicu xuvenil. Inxerta dellos personaxes LGTB y ta escrita en llingua asturiana. La so autora ye la yerbata Blanca Fernández.

Acaba de ganar el premiu Radagast, que la convierte na escritora más moza de les lletres asturianes. Espera que’l so casu sirva d’exemplu y anime a más autores.

Son xéneros que nun abonden na lliteratura n’asturianu, onde predomina la poesía y temátiques más tradicionales.

Esti añu, asoleyará otra novela n’asturianu 'L’home les caparines', y continuará fomentando la llingua.

Blanca Fernández rompió moldes como muyer moza precursora en temátiques fantástiques n’asturianu. Un sector que taba prácticamente abandonáu.