Cambéu d'horariu de branu n'España

Los espertos aseguren que les variaciones horaries tienen efectos nocivos sobro la nuesa salú

Esta madrugada adelántase la hora y empieza l'horariu de branu. Oficialmente'l cambéu dase de madrugada, cuando a les 2:00 los relós pasen a marcar les 3:00.

Les variaciones horaries tienen efectos nocivos sobre la nuesa salú. Nun son cambeos mui grandes pero'l nuesu cuerpu pue tardar hasta cinco díes en regular la producción de melatonina. El cambéu d'hora inflúi non solo na salú, tamién na economía, y añu tres añu xenera alderique sobro la so conveniencia.

Nel Institutu de Neurociencies de la Universidá d'Uviéu ficieron estudios sobro l'alteración de los ritmos del suañu y el frayatu del reló biolóxicu. Too porque tenemos menos tiempu pa producir melatonina.

L'alteración tamién trai ventayes. Un potencial aforru d'ente un 5 y 10% del gastu enerxéticu, anque los nuevos estilos de vida y el teletrabayu pónenlo en dulda.

Pola nuesa situación xeográfica adelantar el reló y tener más hores de lluz ye positivo. Sicasí, la falta de consensu retrasó la implantación de namás un fusu horariu. N'España los cambeos van siguir hasta 2026.