Campaña pa revitalizar el bolu celta

Deporte autóctonu del occidente asturianu afectáu pola falta de relevu xeneracional y la perda de población

La nueva directiva de l’Asociación de Bolu Celta, con sede en Tinéu, propúnxose revitalizar esti deporte autóctonu del occidente asturianu, afectáu pola falta de relevu xeneracional y la perda de población.

La directiva punxo en marcha una campaña de crowdfunding pa meyorar instalaciones, facer acciones formatives en colexos y afitar los campeonatos.

Tinéu, Cangas del Narcea o Villayón son dalgunos de los llugares onde se practica’l bolu celta.

La campaña tará abierta hasta finales d’abril.