Campeones tamién sobre los escenarios

Diez mozos de la Fundación Vinjoy presenten nel Teatru Filarmónica la so versión teatral de la película 'Campeones'

Teníen qu'estrenar en 2020 pero la pandemia nun los dexó. Agora por fin van poder facelo. El 21 d'abril, 10 mozos con diversidá funcional de la Fundación Vinjoy presenten nel Teatru Filarmónica la so versión teatral de la película 'Campeones' que prepararon cola Facultá Padre Ossó y La Westia Producciones.

Atentu Hollywood porque llega competencia, los mozos Vinjoy y la so versión teatral de la película 'Campeones'. ¿Saben de qué va? De persones con discapacidá que xueguen al baloncestu y queden subcampeones de la so lliga.

Estrenen el 21 d'abril nel Teatru Filarmónica, pero ufiertáronnos un aperitivu cimeru, demostrando que lleven esto del arte en sangre.

Estos campeones son unos artistes asina que, anque seguro que nun la necesiten, namás nos queda deseya-yos: ¡muncha mierda!