Canteli ve LlibrUviéu como un impulsu pa la cultura na pandemia

'Los llibros vuelven por fin a les cais de la nuesa ciudá'

L'alcalde d'Uviéu, Alfredo Canteli, inauguró esti vienres la feria LlibrUviéu, qu'anguaño se celebra per primer vegada na Plaza Porlier, y declaró que la cita supón un impulsu pa desaniciar les perdes del gremiu de llibreros nos meses de pandemia y supón "l'apueste del Conceyu por caltener y fomentar el texíu cultural de la ciudá".

Nel so discursu, Canteli afitó'l valor que tien la celebración d'esta edición de la feria pa la ciudá, tres ser atayada l'añu pasáu pola crisis sanitaria, y el beneficiu que supón pa la venta de llibros y la promoción d'escritores, al traviés de les distintes actividaes qu'anguaño ufierta LlibrUviéu.

"Los llibros vuelven por fin a les cais de la nuesa ciudá, lo que significa que tamos empezando a recuperar la normalidá que la covid nos quitara" declaró'l rexidor.