Cinco escritores participen nes III Xornaes Internacionales de Lliteratures Africanes

Falaráse de llibros, de migración y cosmopolitismu

Cinco escritores africanos participarán nes III Xornaes Internacionales de Lliteratures Africanes, equí n’Asturies, sobre la lliteratura d’esi continente. La idea consiste en falar de llibros, de migración y cosmopolitismu.

Actividá entamada pola ONG Pájaro Azul, cola financiación de l’Axencia Asturiana de Cooperación al Desendolcu y la collaboración de la Universidá d’Uviéu.

Esta ye la tercer edición y esta vegada, amás, va entamase un congresu na Facultá de Filosofía y Lletres cola intención d’averar a la nuestra tierra les voces y los rasgos propios de los pueblos y les distintes realidaes africanes.