Cuentos con rima pa un públicu infantil y xuvenil

La editorial 'Tinta Chica' presenta les primeres tres publicaciones de la colección 'Rimacuentos'

La editorial 'Tinta Chica' presenta esta selmana n'Uviéu y en Madrid les primeres tres publicaciones de la colección 'Rimacuentos'. Róblenlos Julia Urdiales, Aurelio González y Esther García.

Son cuentos con rima, pa recordar pal restu la vida. 'Rimacuentos' parte de l'aspiración de llegar al públicu infantil y xuvenil.

Julia Urdiales ye editora y escritora, Aurelio González enseña llatín y lliteratura na Universidá d'Uviéu. Escribe poesía y usó les rimes pa proponer un cuentu sobre una nueche de cumpleaños.

'La bruja en la biblioteca' ye la obra d'otra afitada na maestría del versu, Esther García, una escritora que caltién el convencimientu de que se llee más de lo que se cree.

Son los tres primeros cuentos con rima d'una colección, que llegará a la docena, con autores d'Asturies.