Cuentos domiciliaros pa xugar en familia a diario

Una iniciativa de David Acera, unu de los referentes asturianos en narración oral

El confinamientu declaráu pola crisis del coronavirus afecta enforma a los más pequeños de la casa, acostumaos a dir a escuela, xugar o dir al parque. Dende Asturies surden iniciatives pa qu'estos díes puean ser un poco más llevaderos pa los neños en confinamientu.

'Cuentos domiciliarios pa xugar en familia a diario' ye una idea de David Acera, unu de los referentes asturianos en narración oral.

Son cerca de 600 les families que siguen en directo, cada día a les 12.30 desque entamara'l confinamientu, a David Acera quien, a lo llargo del día consigue colase en munchos más llares y trespasar fronteres. En tres díes los sos vídeos algamaben les 10.000 visualizaciones en diferío.

El Conceyu de Mieres va patrocinar y va emitir na so páxina web la sesión de los vienres y l'Academia d'Español de Copenhague interesóse pol so trabayu pa faer sesiones online.