Cúmplense 150 años de la creación de la primer comunidá protestante en Bisuyu

La Sociedá Industrial de Bisuyu algamó grandes avances en derechos llaborales

L’añu 1872 foi nel que los ferreiros de Bisuyu, dempués de formase en Suiza y Inglaterra y deprender les nueves tendencies europees, formaron la primer comunidá protestante d’Asturies. Esti añu ye’l 150 aniversariu de la creación d’esta comunidá. Los sos dogmes relixosos y educativos camudaron la historia de Bisuyu, en Cangas del Narcea.

Les influencies protestantes, amestaes a la vertiente política de l’Agrupación Política Republicana, impulsaron la creación de la Sociedá Industrial de Bisuyu esi mesmu añu. Esta cooperativa, formada por trece ferreiros, ente ellos una muyer, algamó grandes avances en derechos llaborales.

Va 150 años los ferreiros camudaron dafechu la historia de Bisuyu y la so influencia y herencia siguen anguaño.​