Edgar Plans dispara les sos ventes

L'asturianu ye unu de los artistes españoles con más proyección internacional

Edgar Plans ye unu de los artistes españoles con más proyección internacional y l'asturianu más cotizáu anguaño. Edgar Plans y los sos 'pequeños héroes', tán llegando a mediu mundu, sobre manera al mercáu asiáticu qu'adora les sos creaciones.

Hasta mayu puen vese n'Hong Kong, na esposición itinerante que creó pal 75 aniversariu de la NBA que primero s'estrenó en China.

Enantes desembarcó en Corea del Sur, Rusia, Estaos Xuníos, algamando cifres de seis ceros en delles puyes.

Él sigue trabayando dende'l so estudiu de Xixón. Foi la Galería Cornión, güei yá zarrada, la qu'apostó por él va delles décades.

N'España, Plans esplegó los sos personaxes de güeyos saltones per última vegada n'Arco, en febreru. Una instalación n'homenaxe al periodismu.