L'Auditoriu Príncipe Felipe d'Uviéu acueye esti sábadu l'espectáculu 'Zarzuelízate'

Un conciertu de la orquesta Uviéu Filarmonía p'averase en familia a la Zarzuela y les sos pieces más conocíes

La Orquesta Uviéu Filarmonía celebra’l so 22 cumpleaños con un espectáculu pa tola familia, el conciertu 'Zarzuelízate'.

Con esti espectáculu de la orquesta Uviéu Filarmonía, baxo la batuta de la directora Lucía Marín y la mezzosopranu y actriz Beatriz Lanza, podrá conocese qué ye la Zarzuela y les pieces más conocíes.

Nel escenariu sentiráse 'El tambor de Granaderos', 'La Gran Vía del Tango de la Menegilda, 'La Boda de Luis Alonso' o 'Katiuska'. Un total de 11 pieces.

Les entraes, a cinco euros, yá tán a la venta. El conciertu sedrá nel Auditoriu Príncipe Felipe d’Uviéu a les 19:00.