El Fontán d'Uviéu queda ensin madreñeros al finar l'últimu artesanu que diba vender cada xueves

El funeral sedrá a les 13:00 na ilesia de San Pablo de L'Argañosa

L'últimu madreñeru d'El Fontán d'Uviéu finó a los 59 años. Fidel Lorenzo yera l'últimu artesanu que diba puntualmente cada xueves al mercáu. Col so hermanu, trabayaba al rodiu de 5.000 pares de madreñes al añu, que se vendíen tamién en cooperatives y tiendes de dellos conceyos.

Fidel facía les madreñes nel so taller del barriu uvieín d'El Monte Cerráu. La so muerte dexa al so hermanu Alfonso como únicu superviviente d'un oficiu al borde del desaniciu.

A les 13:00, sedrá'l so funeral na ilesia de San Pablo de L'Argañosa d'Uviéu.