El Montepíu dedica’l so calendariu a los "guah.es del carbón"

Homenaxe a los neños que trabayaron nes mines 

El calendariu del Montepíu de la Minería Asturiana pa esti recién estrenáu 2020 recuerda una de les histories de la sociedá industrial más polémica y controvertida, como foi’l trabayu que ficieron munchos neños y neñes nes mines. 

Luis Martínez Fernández foi guah.e mineru y contónos la so historia.

Nació en Bélxica y con un añu y mediu tornó cola so familia a Asturies. El so primer destín Casa Nueva, en Sama. Ellí yá trabayó nun garaxe con 12 años.

Dempués viviría en L'Entregu. De padre mineru, mintió sobre la so edá pa entrar a trabayar na mina. Nun tenía nin 14 años.

Pasó per toles categoríes, rampleru, entibador, barrenista y xubilóse como vixilante. En total, 37 años dedicaos al carbón negro.