El Xiringüelu ciérrase con 101 denuncies por infracciones y dos deteníos

La matinada del Xiringüelu tamién se mide en tonelaes de basura

Tres el día festivu en Pravia con una nueva edición del Xiringuelu, güei llunes, dende primer hora de la mañana empezó la recoyida y llimpieza de residuos de la zona, tanto de les casetes de les peñes, como de la zona llibre.

La matinada del Xiringüelu tamién se mide en tonelaes de basura. Agora ye tiempu de reciclar parte d'esa basura.

El dispositivu desenvueltu por 230 efectivos de la Guardia Civil por cuenta de la celebración de la 81ª edición del Xiringüelu, en Pravia, saldóse cola detención de dos persones y con 101 denuncies por infracciones a la Llei de Seguridá Ciudadana.

Según informó l'Institutu Armáu, una de les detenciones foi por atentáu a axente de l'autoridá y l'otru arrestu por delitos de violencia de xéneru y atentáu a axente de l'autoridá al enfrentase a los guardias civiles intervinientes.

De les 101 denuncies interpuestes por infracciones a la Llei de Seguridá Ciudadana, 92 son por tenencia o consumu de droga na vía pública y les nueve restantes por falta de considerancia y desobediencia a los axentes, y alteración del orde públicu.

Amás, identificóse a una persona como autor d'un delitu escontra la salú pública al tirar dende la ponte de l'AS-16 un paquete de sustancies a delles persones que taben nel prau.

Nesta actuación prindáronse unos 5 gramos de cocaína y una pequeña cantidá de mariguana.