El cómic 'TboBerde' presentaráse'l 8 de xunetu na Selmana Negra

La obra naz del trabayu de nueve persones con problemes de salú mental

'TboBerde' ye’l nome d’ún de los cómics que se presentará na edición viniente de la Selmana Negra. Ye una collaboración ente la Dirección Xeneral de Salú Mental del Principáu y el colectivu Berde.

Escoyóse’l cómic pa esti proyectu porque’l so llinguaxe dexa trabayar al empar cola imaxe y la narrativa. Nueve persones con diversidá psicosocial trabayaron, los últimos meses, en Llaboral Centru d’Arte pa dar forma al tebéu.

El resultáu son 10 histories compilaes nun volume. Equí nun hai una intención terapéutica en sí mesma. L’oxetivu ye estimular la creatividá de los participantes ensin nengún tipu de cortapisa creativa.

'TboBerde' pasa yá a imprenta. Presentaráse al públicu, el 8 de xunetu, na Selmana Negra.