El dibuxante asturianu Alfonso Zapico, unu de los autores de 'Llectures a domiciliu'

Colección de baldre online d'historietes non asoleyaes p'amenizar la cuarentena

Alfonso Zapico ye unu de los autores protagonistes del primer tomu de 'Llectures a domiciliu', una colección de baldre d'historietes breves que se pue descargar de baldre al traviés de la web de la editorial Astiberri.

Nel casu del dibuxante asturianu, la de so ye una historia sobre la vuelta a la escuela en Francia dempués de les vacaciones d'iviernu.

Cuando se declaró l'estáu d'alarma, la editorial contactó con dellos autores como Zapico, pa recopilar histories. Proyectos que guardaren en dalgún caxón pa, con ellos, asoleyar un llibru de baldre y dixital, y intentar amenizar la cuarentena.

La rempuesta foi perbona. En pocos díes, xuntó material pa tres llibros compilatorios. Más de 500 páxines que dirán asoleyando nesti mes d'abril.

Nesti 'Libro verde', asina tituláu, amás de la obra de Zapico, alcontramos tamién les d'Alex Orbe y Iñigo Astiz, Antonio Hitos, Blanca Vázquez y Elisa Riera, ente munches más.