Radiotelevisión del Principáu d'Asturies Radiotelevisión del Principado de Asturias
Webcams Viernes 23 de febrero | Corporativo | Contacto |
Notas de voz al 666 333 222
Buscar |
Síguenos en
Radiotelevisión del Principado de Asturias
RTPA - Radiotelevisión del Principado de Asturias
Fuente: RTPA, 11 de setiembre. 2022 21:10

El director de la Ópera d'Uviéu reclama una medría de 150.000 euros pa salvar la cayida d'ingresos

Entrevista con el director de la Ópera de Oviedo, Celestino Varela
El director de la Ópera d'Uviéu reclama una medría de 150.000 euros pa salvar la cayida d'ingresos

La temporada arranca'l sábadu viniente con 'La Dama del Alba' y la visita de Joan Francesc Marco

Celestino Varela considera que 150.000 euros más del Ministeriu de Cultura, y medrar esa ayuda a los 560.000, sedría una xusta compensación a la Ópera d’Uviéu.

Varela pide amás más sofitu al Principáu y busca non solo saniar cuentes, pero tamién traer producciones más ambicioses, cuntar con dalguna figura internacional o facer les reformes afayadices del Campoamor.

Más allá de cifres, atrayer a públicu más mozu, y llevar la ópera a los colexos, son dalgunos de los sos retos de darréu.

Y si esta temporada arranca, señala, failo con un homenaxe a la tradición cultural asturiana, con 'La Dama del Alba'. La siguiente, cuando realmente se soplen les veles del 75 aniversariu, fadrálo con otru símbolu: 'La Manon', de Massenet, cola que s’alzó’l telón en 1948.

Varela señala que la Fundación Ópera d’Uviéu yá abonó la cuarta parte de los 239.000 euros qu’adelda a la Seguridá Social, según la decisión xudicial que reconoció una rellación llaboral a los integrantes del antiguu coru amateur.

El director de la Ópera estima que seya una cantidá a pagar en dellos plazos. La Fundación yá abonó unos 60.000 euros de la delda sobre la xestión del antiguu coru amateur.

Comparte esta noticia
Publicidad
Publicidad
Publicidad
banner publicidad

© 2022 Radiotelevisión del Principado de Asturias | Todos los derechos reservados

Publicidad | Aviso Legal | Política de privacidad | Política de cookies | Consentimiento de cookies | RSS | Sobre RTPA | Entidad adherida a AUTOCONTROL