L'uvieín Carlos García Junco, unu de los meyores docentes d'España

El so retu ye llograr una escuela realmente inclusiva

La inclusión nes aules como meta primordial nel sistema educativu ye lo que sorraya'l cuartu meyor profesor de Primaria d'España, l'uvieín Carlos García Junco. Acaba de llograr esta distinción nos Premios Educa Abanca 2018.

Carlos sabe lo que ye suspender y que dalgún profesor lu encamentara a abandonar los llibros, pero él siguió xubiendo cada pasu hasta llograr desenvolver la so pasión por una educación ensin barreres.

Llogopeda y maestru de Primaria con mención n'Audición y Llinguaxe, Necesidaes Educatives Específiques y Educación Física tamién entrena al Real Oviedo Genuine, lliga na que participen persones con más d'un 33% de discapacidá intelectual.

Aoleyó'l llibru '¿A qué jugamos?' que busca averar la realidá que sufre gran parte del alumnáu con Trestornu del Espectru Autista (TEA), que ta escolarizáu en centros educativos ordinarios.

Carlos imparte amás ponencies y charres per toa España y yá ta peracabando'l so próximu trabayu 'Los senderos de la inclusión'.