El proyectu 'Khan Academy' del premiáu Salman Khan, toa una revolución na educación

N'Asturies usa en dellos colexos, estimula habilidaes y fomenta la enseñanza personalizada

Salman Khan, el Premiu Princesa de Cooperación Internacional d'anguaño ideó'l so proyectu, la Khan Academy, pola necesidá d'enseñar a la so prima matemátiques.

La ferramienta reinventó la educación. Tien 70 millones d'usuarios nel mundu y ta traducida a más de 30 idiomes.

Equí n'Asturies hai colexos que lleven años utilizándola pa estimular a los sos alumnos. Ente les sos ventayes, los usuarios destaquen la posiblidá d'avanzar a ritmos distintos y llograr feedback darréu.

Nesti colexu xixonés lleven seis años utilizando la plataforma d'aprendizaxe Khan Academy, estremada col Premiu Princesa de Cooperación Internacional. Un sistema gratuitu, con llinguaxe cenciellu y atractivu pa los alumnos. Daqué qu'ellos mesmos valoren porque deprenden dende la diversión.

Cada vienres Marcos Fuentes utiliza esti métodu complementariu a les clases tradicionales. La ferramienta nun sustitúi'l rol del docente.

Ye  daqué que dexa atender la diversidá, estimular habilidaes y fomentar la enseñanza personalizada.

Les llecciones de Khan Academy supunxeron un finxu educativu qu'ayuda a desaniciar fiendes y a democratizar la conocencia en tol mundu.