El violonchelista Willard Carter copa los premios del 23º Concursu Internacional de Llanes

La música de cuerda enllenó tres díes l'edificiu del antiguu casinu llaniscu

El británicu Willard Carter ganó ayeri nel 23º Concursu Internacional de Violonchelu de Llanes.

L'artista, natural de la ciudá de Wells, algamó dellos premios ente los que destaquen el de la so modalidá, dotáu con 3.000 euros, y el galardón especial de la OSPA que-y dexará participar como solista na orquesta asturiana.

Esti mozu violonchelista tamién algamó la reconocencia especial 'José Ramón Hevia', la de les Mocedaes Musicales d'España y la de les Sociedaes Filarmóniques d'Uviéu, Xixón y Avilés.