Fina Dolores Álvarez Campillo, ex-alcaldesa de Llanes y ex-diputada socialista

Fina Carmen Fernández, muyer del ex-presidente Javier Fernández

La ex-alcaldesa de Llanes y ex-diputada del PSOE na Xunta Xeneral, Dolores Álvarez Campillo, morrió esti miércoles a los 61 años.

Nacida’l 10 d’abril de 1960 en Meré (Llanes) y llicenciada en Psicoloxía pola Universidá d’Uviéu, Álvarez Campillo foi conceyala de Llanes ente los años 1999 y 2004, añu nel que se convirtió en rexidora hasta 2015.

Dempués de la so etapa municipal, en 2015 foi escoyida diputada autonómica pola circunscripción oriental y tuvo na Xunta Xeneral hasta acabar la llexislatura.

Precisamente nel plenu de güei, tanto’l presidente de la Xunta Xeneral, Marcelino Marcos Líndez, como’l del Principáu, Adrián Barbón, y los portavoces parllamentarios tuvieron palabres de recuerdu pa la que foi compañera parllamentaria hasta 2019, y como pa Carmen Fernández, muyer del que fuere presidente del Principáu ente 2012 y 2019, y de la Comisión Xestora del PSOE.

"Ye un mal día pa la familia socialista", señaló’l presidente del Principáu, Adrián Barbón, al recordar a la ex-diputada socialista y a la muyer de Javier Fernández al tomar la palabra nel plenu que se celebra güei na Xunta Xeneral del Principáu.