Festival de Narración Oral en Somiedu

Octava edición de Tibleus

Somiedu celebra tol día’l so Festival de Narración Oral Tibleus. Ye una cita cola cultura que yá va pola octava edición. Eso sí, esti añu la programación mengua a un día y non a tres como n’años anteriores.

Con papel, agua, tinta de colores y barru podemos crear al protagonista de la nuestra propia historia.

La inopia ye una de les actividaes que nos propón Tibleus, el Festival de Narración Oral que se celebra güei, tol día, en Somiedu. Amás de talleres de creación, podemos alcontrar cuentacuentos pa toles edaes, nun eventu que tien como oxetivu averar la cultura a los más pequeños y al mundu rural.

Esti festival tien l’habilidá de sorprender y involucrar a grandes y pequeños.

En total, 115 persones participen nesta octava edición de Tibleus, entamáu pola asociación.​